Сэтинньи 2 күнүгэр «Айыы кыһата» оскуолаҕа республика оскуолаларын алын сүһүөҕүн оҕолоругар уонна төрөппүттэригэр «Удьуор утум» дьиэ кэргэн метапредметнэй олимпиадата (күөн-күрэҕэ) ыытыллынна. Үгэскэ кубулуйбут күөн – күрэх сүрүн соруктарынан оҕо уонна төрөппүт алтыhар түгэнин үөскэтии, оҕо үөрэтэр предметин нөҥүө удьуорунан бэриллибит дьоҕурун таба тайанарыгар, салгыы бэйэтин сатабылын сайыннарарыгар усулуобуйаны тэрийии буолар. Күрэххэ оскуола аайытан 2-с, 3-с, 4-с кылаастартан биирдии дьиэ кэргэн хамаандата (оҕо уонна төрөппүт) кыттыыны ылаллар. Сорудахтара 4 сүрүн предмеккэ олоҕуран оҥоhуллар (ахсаан, нуучча тыла, саха тыла, тулалыыр эйгэ).Быйылгы күрэххэ барыта 15 хамаанда кыттыбыттыттан биһиги оскуола чиэһин үс дьиэ кэргэн ситиһиилээхтик көмүскээн, 2 кылаастарга Атласов Саша ийэтинээн Евдокия Михайловналыын (2г кылаас, учуутал Гаврильева Г.С.) 2-с миэстэни, 3 кылаастарга Петухов Данил ийэтинээн Александра Афанасьевналыын (3г кылаас, учуутал Керемясова С.П.) 1-кы миэстэни, 4-с кылаастарга Калачев Саша аҕатынаан Алексей Константиновичтыын (4г кылаас, учуутал Попова О.П.) 2-с миэстэни ыллылар. Кыттыыны ылбыт дьиэ кэргэттэрбитин ситиһиигитинэн эҕэрдэлиибит, өссө да инникитин үрдүктэн үрдүк дабайыылары баҕарабыт.
Comments are closed.