Биһиги республикабытыгар 2011 сылтан сэтинньи 30 күнүгэр Хомус күнун бэлиэтиибит.
Саха хомуhун туhунан бастакы бэлиэтээhиннэр 19 уйэ анаарыгар нуучча айанньыттарын, чинчийээччилэрин улэлэригэр бааллар эбит. Холобур, Иван Алексеевич Худяков «Краткое описание Верхоянского округа…..» кылгас хомуурунньугар сахаларга мас уонна муос хомус баарын, хомуска элбэх буолан оонньооhун туhунан суруйбут. В. Л. Серощевскай «Якуты» үлэтигэр сахаларга кырыымпа, хомус баарын туЬунан суруйан хаалларбыт.
Хомус диэн музыкальнай инструмент. Кини угус норуокка тар5аммыт тэрил буолар. Ол гынан баран, саха курдук, хомуһу өрө туппут омук суох. Саха хомуһа тыаһа ырааһынан, тыына уһунунан аан дойдуга аатырыан аатырар. Кини ураты оноьуутугар, матырыйаалыгар, форматыгар болҕомто ууруллар.
Аан дойду үрдүнэн анал Хомус музейа (түмэлэ) 1990 сыллаахха Дьокуускай куоракка арыллыбыт. Музейы биллэр хомусчут Иван Алексеев тэрийбит. Манна аан дойдуттан 1454 араас хомус түмүллүбүт. Ону таһынан, ураты оҥоһуулаах хомустар эмиэ бааллар. Холобур, Александр Данилов 98 см үрдүктээх хомуһу оҥорбут. Тылын уһуна-106см. Оттон саамай кыра кээмэйдээх хомуһу (1 см) Иван Христофоров 2007 сыллаахха оҥорбут. Кини Япония 1.8 см кээмэйдээх хомуһун көрөн баран, киһи итиннээҕэр кыраны да оҥоруон сөп диэн санааҕа кэлбит.
Биһиги оскуолабыт 2 «б” кылааһын үөрэнээччилэрэ ZOOM куйаар ситимин нөҥүө Хомус күнүгэр аналлаах бэсиэдэни сэргээн иһиттилэр. Үс сааһыттан умсугуйан дьарыктанар Тамила Федорова хомуска кэҕэ чуораан тойугун, ат туйаҕын тыаһын, кыталык ырыатын дьиэрэттэ, куерэгэй ырыатын ыллатта. Оҕолор олус сэнээрэ, астына иһиттилэр. Этигэн хомус эйээрдин, хомуhуннаах хомус дуорайдын!
Педагог-библиотекарь Полина Алексеевна
Comments are closed.