Ийэ тылбыт үйэлэргэ сүппэккэ үүнэ сайда турдун!

Ийэ тылбыт үйэлэргэ сүппэккэ үүнэ сайда турдун!

128
0
ПОДЕЛИТЬСЯ

     1996 сыллаахха Саха Республикатын бастакы президенэ М.Е. Николаев уурааҕынан саха бастакы лингвист – ученайа Семен Андреевич Новгородов төрөөбүт күнэ, олунньу ый 13 кунэ, «Төрөөбүт тыл уонна сурук-бичик» күнүнэн биллэриллибитэ.

Сыл ахсын оскуолабытыгар төрөөбүт тыл сүмэтин, кэрэтин иҥэрэр сыаллаах  араас дьаһаллары  кетуппэккэ ыытабыт.

Быйыл, олунньу 1 күнүттэн Тыл күнүгэр аналлаах дьаһаллары ыытыыны саҕалаатыбыт. Ол курдук, 6г, 7г, 8г, 2г кылаастарга сахалыы алпаабыты бастаан оҥорбут лингвист учуонай Семен Андреевич Новгородовка аналлаах кылаас чаастара буоллулар. Оҕолор Семен Андреевич олоҕун, үлэтин туһунан саҥаны биллилэр, төрөөбүт тылбыт тула санааларын эттилэр, суруйдулар, билиилэрин тургутустулар.

Оскуолабытыгар Тыл күнүгэр аналлаах дьаһаллар былаан быһыытынан салҕанан бараллар:

Олунньу 1- 7  күнүгэр дылы —  Бастыҥ буочар уонна ыраастык суруйуу күрэҕэ (5-9 кыл);

01.02.2020  күнүттэн  С.А.Новгородовка аналлаах иьитиннэриилэр, кылаас чаастара, кылааһы таһынан уруоктар (1-11 кыл., сайаапка быьыытынан).

Олунньу 13 күнүгэр-Тыл күнүгэр аналлаах үөрүүлээх линейка;

Олунньу 14-15 күннэригэр – Республикатааҕы Оҕо бэчээтин кыһатын өйөөһүнүнэн “Көтөллөр көмүс дорҕооннор” ааҕыы күрэҕэ. Буолар сирэ- оскуола аактабай саалата;

Олунньу 18 күнэ- “Сахалыы буукубалар тула” – оонньуу – тургутук

(5-8 кылаастарга).

Сахалыы сайаҕастык саҥарар, иэйиибитин истиҥник этинэр Ийэ тылбыт үйэлэргэ сүппэккэ үүнэ сайда турдун!

«Туругура тупса тур,

Тирэҕирэ чиҥии тур,

Тоҕойдору туораан ис,

Араҕастары ааһан ис

Саргы дьаһаан Сахам тыла,

Сарыал санаам — Сахам тыла!»

 

 

 

 

 

 

НЕТ КОММЕНТАРИЕВ

Comments are closed.