Дьокуускай куорат уокуругун дьаһалтатын үөрэххэ салалтатын былаанынан олунньу ый 16 күнүгэр алын кылаас үөрэнээччилэрин икки ардыларыгар Ийэ тыл, сурук-бичик күнүгэр аналлаах кэккэ тэрээһиннэр ыытылыннылар.
Ол курдук, куорат 1-кы нүөмэрдээх орто оскуолатыгар3-4 сахалыы тыллаахкылаастар үөрэнэээччилэрин икки ардыларыгар сылын аайы ыытыллар “Аман өс” күрэһэ бэрт тэрээһиннээхтик, сэргэхтик ааста. Күрэс сүрүн сыалынан-соругунан тылы хомоҕойдук, ылбаҕайдык, табатык тутта үѳрэнии, саха тыла сүппэтин, умнуллубатын туhугар оҕолору умсугутуу, тѳрѳѳбүт дойдуга тапталы, киэҥ туттууну иҥэрии,тыл- этии үѳрэҕэр тирэҕирэн, дьону – сэргэни итэҕэтэр гына бэйэ санаатын этии, үѳрэнии буолар. Биһиги оскуолаттан 4-в кылаас үөрэнээччитэ Соров Айхал (учуутал Заровняева Л.С.) 3 миэстэни ылары ситистэ.
Саха гимназиятыгар «Ийэ тыл илгэтэ» диэн куорат сахалыы тыллаах оскуолаларын икки ардыгар ыытыллар тэрээһин уон иккис төгүлүн буолан ааста. Сыл ахсын алын сүһүөх оҕолоро олимпиада, айан суруйуу күрэхтэһиитигэр кытталлар, саха суруйааччыларын айымньыларын уус-ураннык ааҕаллар. Дьиэ кэргэн күрэҕэр 2-г кылаастан (учуутал Петрова Г.М.) Олесовтар дьиэ кэргэн 2 бочуоттаах миэстэни ыллылар, “Сахалыы куттаах дьиэ кэргэн” анал аата кыайыылаахтара буоллулар. “Уран тыл түһүлгэтигэр” 4-г кылаас үөрэнээччитэ Павлова Катя (учуутал Керемясова С.П.) 2 миэстэни, “Төрөөбүт тыл уонна литература түһүлгэтигэр” Третьякова Туйаара (2-г кылаас, учуутал Олесова М.М.) 2 миэстэни, Татаринов Дуолан (3-в кылаас, учуутал Батарина А.А.) 3 миэстэни, Ноев Айсен (3-г кылаас, учуутал Гаврильева Г.С.) 2 миэстэни, Винокурова Света (4-в кылаас, учуутал Заровняева Л.С.) 2 миэстэни ыллылар.
“Айыы кыһата” үөрэх тэрилтэтигэр саха тыллаах оскуолалар 2-4 кылаастарын үөрэнээччилэрин иккиардыларыгар төрөөбүт литератураны билиигэ олимпиада ыытылынна. Төрөөбүт литературанны билиигэ бастыҥнар ахсааннарыгар киирдилэр: Слепцова Карина (2-г кылаас, учуутал Олесова М.М.) – 1 миэстэ; Герасимов Кеша (2-е кылаас, учуутла Левина А.А.) – 3миэстэ; Романова Елизавета (3г кылаас, учуутал Гаврильева Г.С.).
Бары ситиһиилээх үөрэнээччилэргэ, учууталларга эҕэрдэбитин тиэрдэбит, инникитин да өссө үрдүк ситиһиилэри баҕарабыт.
Comments are closed.