Бу дьыл алтынньы ый 30 күнүгэр Айыы кыһата көҕүлээһининэн Саха омук төрүт үгэһин кэрэһитэ буолар куораттааҕы «Удьуор утум» түһүлгэ олус тэрээһиннээхтик үрдүк таһымҥа ыытылынна. Бу түһүлгэҕэ куорат саха тыллаах оскуолаларын алын кылаастарын үөрэнээччилэрэ дьиэ кэргэнинэн метапредметнэй олимпиадаҕа кыттыннылар. Биһиги оскуола чиэһин 2 «г» кылаастан Кугдарова Сайыына ийэтинээн Айталина Ивановналыын (кыл. сал. Керемясова С.П.) , 3 «г» кылаастан Максимов Петя ийэтинээн Мария Леонидовналыын (кыл. сал. Тарбахова С.Г.) , 4 «в» кылаастан Эверстова Юлия ийэтинээн Мария Васильевналыын (кыл. сал. Олесова М.М.) ситиһиилээхтик көмүскээн, бириистээх миэстэҕэ тигистилэр: Сайыына — II миэстэ, Петя — III миэстэ, Юлия — III миэстэ. Ону тэҥэ дьиэ кэргэн үтүө дьарыгын көрдөрөр хаһыат көрүүтүгэр Эверстовтар дьиэ кэргэттэрин хаһыата «Инникини түстүүр дьиэ кэргэн» анал номинация хаһаайыттарынан буоллулар. 
Бары ситиһиилээх дьиэ кэргэттэрбитин эҕэрдэлиибит, инникитин даҕаны саҥаттан саҥа дабайыылары баҕарабыт.
