“Туймаада Уолана” 17-с оскуола5а

“Туймаада Уолана” 17-с оскуола5а

854
0
ПОДЕЛИТЬСЯ

Олунньу 25 күнүгэр Дьокуускай куорат 17-с нүөмэрдээх орто оскуолатыгар Аҕа Дойдуну көмүскээччилэр күннэригэр анаммыт  “Туймаада Уолана” диэн сахалыы многоборьеҕа күрэх буолан ааста.

Күрэх  “Модун” спортивнай комплекска буолла. Тэрээһин аһыллыыта үрдүк таһымнаахтык ааста.  Тэрээһини алгысчыт Вера Романовна Гоголева арыйда. Залы толору 4, 10 кылаас уоланнара үҥкүүлээн битийдилэр, кыталык кыргыттара кынталдьыһа дайдылар, ырыаһыттар ыллам ырыаларын дьиэрэттилэр.  Николай Николаевич Баттахов салайааччылаах “Тигинэт” барабаанньыттар ансамбллара киэргэттэ. Маны барытытын Саха Республикатын Народнай артыыһа Афанасий Дмитриевич Афанасьев бэлэмнэһэн, иилээн-саҕалаан ыытыста.

Күрэх саҕаланыан иннинэ, РФ үөрэҕириитни Бочуоттаах үлэһитэ, оскуола директора Лена Петровна Афонская,  “Дыгын оонньууларын”

маҥнайгы 3 төгүллээх кыайыылааҕа  Иннокентий Макаров, “Дыгын оонньууларын”  7 төгүллээх кыайыылааҕа Иван Белолюбскай эҕэрдэ тылларын эттилэр, кыттааччыларга ситиһиилэри баҕардылар, сүбэлэри-амалары биэрдилэр.

“Туймаада Уолана” күрэххэ 10 ( 9-11 кылаастар)  уол 5 көрүҥҥэ (үс төгүл үс ыстаныы, мас тардыһыы, ыараханы көтөҕүү, өһөс торбос уонна кыыс эккирэтиитэ) күөн кэрүстүлэр: Александар Саввинов (9 в кылаас), Максим Васильев (10 в кылаас), Руслан Калтушенко (10 а кылаас), Юрий Акимов (10 г кылаас), Байдам Корякин (11  а кылаас), Винедий Прохоров (10 в кылаас), Айтал Хатылыков ( 9 в кылаас), Дмитрий Тыллар (9 а кылаас),, Влад Платонов (11 г кылаас), Константин Иванов (9 б кылаас).

Тыҥааһыннаах киирсии түмүгүнэн 9 б  кылаас үөрэнээччитэ Константин Иванов холкутук бастаан, кыайыы өрөгөйүн  биллэ Иккис миэстэни 11 г кылаас үөрэнээччитэ Влад Платонов ылла. Кинини кытта очкота тэҥ эрээри, хаачыстыба өттүнэн баһыйтаран 10 б кылаас үөрэнээччитэ Дмитрий Тыллар 3 буолла  Спортивнай комментатор Николай Бястинов чуор куолаһынан күрэхтэһии хаамыытын олус үчүгэйдик сырдатта.

Бу тэрээһини кыра кылаас уолаттара, төрөппүттэр, учууталлар, тэрийээччилэр олус интэриэһиргээн көрдүлэр. Уолаттар инникитин маннык күрэхтэһиилэргэ кыттарга  бэлэмнэниэхтэрэ, чөл олоҕу тутуһуохтара диэн эрэнэбин. Маннык күрэхтэһиилэр инникитин даҕаны буолуохтара диэн директоры иитэр үлэҕэ солбуйааччы Оксана Ивановна Борисова эппитин уолаттар, төрөппүттэр үөрэ иһиттилэр. Оскуола төрөппүттэрин кэмитиэтин председателэ  Иванов Борис Анатольевич төрөппүттэр ааттарыттан оскуола коллективыгар, тэрийээччилэргэ, физкультура учууталларыгар махтал тылын эттэ.

Тэрээһин Кыайыы оһуохайынан түмүктэннэ.

НЕТ КОММЕНТАРИЕВ

Comments are closed.