Сэтинньи 27-28 күннэригэр биһиэхэ, 17-с №-х оскуолаҕа, «Кэскил» хаһыат редакциятын көҕүлээһининэн саха народнай суруйааччыта Николай Якутскай төрөөбүтэ 110 сылыгар аналлаах араас дьаһаллар ыытылыннылар. Ол курдук, 5-6, 7-8 кылаастарга «Кэскил уруоктара», Николай Якутскай олоҕор, айымньытыгар аналлаах викториналар, квест — онньуу күрэҕэ, айар үлэҕэ холонууга маастар- кылаастар ыытылыннылар. Викторинаҕа кыайыылааҕынан 5 «г», 6 «г» кылаастар, квест — оонньууга 8 «г» кылаас таҕыстылар. Оҕолор элбэх саҥаны биллилэр, оҕо суруналыыһа диэн судургута суох идэ туһунан истэн сэҥээрдилэр, мунаарар боппуруостарыгар хоруйдары ыллылар. Инникитин маннык дьаһаллар өссө да ыытыллар буолуохтара.
Comments are closed.