Дьокуускай куорат 17-с оскуолатыгар буойун- суруйааччы Тимофей Сметанин 100 сылыгар дьиэ- кэргэн...

Дьокуускай куорат 17-с оскуолатыгар буойун- суруйааччы Тимофей Сметанин 100 сылыгар дьиэ- кэргэн күрэҕэ ыытылынна

60
0
ПОДЕЛИТЬСЯ

Сэтинньи 25 күнүгэр алын кылаастарга Т. Сметанин айымньыларынан дьүһүйүүгэ, уруһуйга, оҥоһук оҥоруутугар дьиэ- кэргэнинэн күрэхтэһиитэ бэрт тэрээһиннээхтик буолан ааста.

Алын сүһүөх кылаас үөрэнээччилэрэ төрөппүттэрин кытта хоһооннору өйтөн ааҕыылара, дьиэ- кэргэнинэн дьүһүйүүлэрэ, остуоруйаны туруоруулара ытыс тыаһынан доҕуһуолланна. Толорооччулар айымньы ис хоһоонун тиэрдэр соруктаах анал слайдалары, көстүүмнэри бэлэмнээбиттэрэ улахан сэҥээриини ылла. Тэрээһиҥҥэ кырдьаҕас эбээлэр кыттыбыттара бэрт сонун буолла. Доргуччу, ис хоһоонноохтук, иэйиилээхтик толорбут дьиэ кэргэттэр Грамотанан наҕараадаланнылар. Ол курдук, иккис кылаастарга элбэх оҕолоох Павловтар дьиэ- кэргэн (2”г”) олус итэҕэтиилээхтик саха саллаата сэрииттэн кыайыы көтөллөөх эргиллиитин толорон 1 миэстэни ыллылар.

Үһүс кылаастарга Третьяковтар дьиэ-кэргэн “Куоскалар уонна саһыл” айымньыны туруорууралара, 3 “г” кылаас үөрэнээччитэ Андрей Тарабукин ийэтинээн Альбина Афанасьевналыын “Саллаат сурэҕэ” дьүһүйүүлэрэ олус айымньылаах буолла. 3”в” кылаастан Стручковтар дьиэ-кэргэн куукула театрынан остуоруйа толорон («Күөрэгэй”) 2 м. таҕыстылар. Корякиннар (“Күтэр” хоһоон) уонна Чичигинаровтар дьиэ- кэргэн 3 м буоллулар.

Салгыы Тимофей Сметаниҥҥа аналлаах оҥоһуктары, уруһуйдары, суруйааччы айымньытынан оонньуулары көрүү буолла. Дьиэ – кэргэттэр дьэрэкээн оҥоһуктара, иитэр суолталаах оонньуулара болҕомтону тартылар. Аржакова Виолетта (2г) кумааҕынан “Күөрэгэй”, Чичигинаровтар (3в) араас матырыйаалтан шкатулкалаах  “Күөрэгэй кыыс”, Саввиновтар (2г) хордуонтан балаҕан, полимернай туойтан “Күөрэгэй уонна кини 7 доҕотторо”, Третьяковтар  (3в) бэйэ оҥоһуута кинигэлэрэ, Захаровтар (2е) айылҕа матырыйаалларыттан “Бороҥ куобах үөрэммитэ” оҥоһуктара, ону тэҥэ Тарабукиннар (3г) “Күөрэгэй” остуоруйанан викторина, остуол оонньууларын оҕолор, көрөөччүлэр олус астыннылар, сэҥээрдилэр. Уруһуйга  Стручкова Ай-Куо дьиэ- кэргэнэ (3в) – 2 миэстэ, Жайсанбаевтар (2е) – 2 миэстэ, Тихоновтар (2е) – 3 миэстэ буоллулар. Оттон 4с- кылаастарга- оҥоһукка фетртан Слепцов Валентин (4г), пластилинтан Иванова Стася (4г),  уруһуйга Тимофеев Дима (4в), Гольдерова Алла (4г), Барабанова Лиза (4г) үлэлэрэ бастыҥнарынан буоллулар.

Бу тэрээһин туһунан 2 “г” кылаас о5олорун санааларын истиэҕиҥ:

Павлова Дайаана: “Мин конкурска үчүгэйдик кытынным. Кыайбыппыттан олус астынным, үөрдүм аҕай”. Аржакова Виолетта: “Оҥоһукпун 3 күн оҥорбутум, 2-с миэстэ буолбуппуттан наһаа үөрдүм”. Саввинова Ася: “ Мин ордук кукольнай театры сөбүлээтим. Уонна наһаа үчүгэй кинигэ оҥорбуттар”.

Маннык тэрээһин дьиэ-кэргэни түмэр, ааҕыыга көҕүлүүр уонна билиигэ угуйар күүһүн кыттааччылар астына бэлиэтээтилэр. Түмүккэ бу үтүө түһүлгэни тэрийбит оскуола библиотекарыгар Полина Алексеевна Сивцеваҕа, саха тылын уонна литературатын учууталыгар Мария Матвеевна Поповаҕа, дьүүллүүр сүбэҕэ махтаннылар. Бу курдук оскуолабыт үөрэнээччилэрин, төрөппүттэрин кытта Т. Сметанин өлбөт- сүппэт, тыыннаах айымньыларын бары бииргэ,  сомоҕолоһон, үйэтиттибит!

Тэрийээччилэр

НЕТ КОММЕНТАРИЕВ

Comments are closed.