17с оскуола оҕолоро- Музыка уонна Фольклор музейыгар

17с оскуола оҕолоро- Музыка уонна Фольклор музейыгар

486
0
ПОДЕЛИТЬСЯ

Биһиги оскуолабыт 9 «в» кылааһын оҕолоро Музыка уонна Фольклор музейыгар ыалдьыттаатылар.  Манна талааннаах суруйааччы, олоҥхоһут Прокопий Ядрихинскай –Бэдьээлэ төрөөбүтэ 120 сылыгар аналлаах тэрээһин буолла. Прокопий Ядрихинскай олоҕун, айар үлэтин саха тылын уонна литературатын учуутала, кылаас салайааччыта Мария Матвеевна Попова сырдатта. Нам улууһун Үөдэй нэһилиэгиттэн төрүттээх Яна Петровна «Дьырыбына Дьырылыатта Кыыс Бухатыыр» олоҥхоттон бастакы чааһын толорон сөхтөрдө, биһирэттэ. Кини олоҥхо геройдарын уобарастарын куолаһын уларытан дьиҥ баардыы ойуулаата.

      Олоҥхо толорорго эдэр ыччаты үөрэтэр, уһуйар Прокопий Никандрович кэпсээнин оҕолор олус сэҥээрэн иһиттилэр. Түмүккэ оҕолор элбэх ыйытыыларыгар толору хоруй ылан, астынан, тэрийээччилэргэ махтанан тарҕастылар.

Лида Б.: «Олус интэриэһинэй  буолла. Ордук олоҥхону толорууну сөбүлээтим, сэҥээрэн иһиттим”

Альмира: “Прокопий Ядрихинскай олоҥхотун Яна Петровна толорбутун олус сөбүлээтим, сөхтүм”

Лена Ж.: “Маннык көрсүһүүгэ бастакыбын сырыттым. Олоҥхону толорооччу куолаһын уларытарын олус сөҕө иһиттим. Наһаа интэриэһинэй буолла”.

Тускул: “Бугун наьаа учугэй көрсуьуу буолла. Олус киһи дуоһуйар эбит, олоҥхону истэ олорон”.

Педагог-библиотекарь Пелагея Сивцева

Олонхо толорооччу Яна Петровна
Олонхо5о уьуйааччы Петр Никандрович

НЕТ КОММЕНТАРИЕВ

Comments are closed.